Ikaw anaa sa atbang ug mapahiyomong nag-atang
sa akong paglabang, ug ako nakabig sa gintang
sa puti mong ngipon nga ikatandi sa bus-ok nga borda
sa pinintalang espasyo sa dalan nga akong latayan.
Inday, timan-i, kon ang gutlo maligas o kaha ang takna
madakin-as, ang akong seguridad sa semento molagubo,
ugaling madungog ko ang kataposang sirbato dihadiha
ako mabilanggo, dili sa imong pahiyom, apan ngadto
sa rehas sa prisohan sa laing kalibotan.
Pedestrian Lane
P
